(ارجو القراءه من الجزء الاول) الصداقة من أقوى العلاقات الانسانيه(10)

الجزء[ 10 ]
[ الأخيـــــــر ]
اقترح علي شيخ فاضل من اهلنا
اني احفر له بير في وحده من الدول الأفريقيه الفقيره
واسميه بأسمه الله يرحمه
عشان ارتاح بعد وعلمني عن الأجر الكبير اللي بيجيه ان شالله
وفعلا سويت هالشي
كنت تعبان من جد اشوفه في كل الوجيه
واسمع صوته في كل الاصوات
وذكرى اخر يوم شفته فيها ما تفارقني ابد...
في عيون الناس اشوف اشياء كثيره
بعضهم يذكروني دايم ان خسارتي مو بسيطه
وبعضهم وحشتهم شوفتنا مع بعض
وهذا يتعبني زياده..
واللي يصعب الوضع علي بعد
اني وين ما التفت القى ذكرياته ماليه حياتي
اثاث غرفتي اللي اخترناه سوى لما انتقلنا لبيتنا
سيارتي اللي اختار لونها وساقها قبلي وعطره اللي للحين في درجها!!
ياغلاة اللي راح...
لكن كل ما اتذكر ان ذاك الانسان كان صديقي ورفيقي القريب في يوم من الايام
افرح
وابتسم
واعرف ان الله يحبني
اللي رزقني بأخ مثله
والله يعوض عليه شبابه في الجنه انشالله
واذا كنتم تقدرون تناظرون في عيون ربعكم اليوم وتسمعون حسهم في هالدنيا
احمدوا ربكم على هالنعمه
وحطوهم على راسكم دوم
خاصة الناس اللي يستاهلون صدق
واعرفوا انكم محظوظين
لان غيركم ما يملك ولا بعض اللي عندكم
اما بالنسبه لي
مابعد خالد احد
والله يجمعني فيه بالجنه انشالله...
انا عرضت قصتي على الناس عشان تاخذ منها عبره
وفاته شي مقدر ومكتوب
لكني ابتعدت عنه في اخر شهر له في حياته
بسبب تافه جدا
متخيلين قمة القهر والألم؟!!
هو غلط رحمة الله عليه
وانا عاندت
لكن اللي صار بيننا ما كان يستاهل اللي سوينا
وهذا اللي دايم يسونه الناس
يخسرون احبابهم وربعهم باسباب تافهه
يتركون الشيطان يلعب في عقولهم لين تكبر السالفه
ويفترقون
ولو سألهم احد عن السبب
يلقون ان ما عندهم اجابه واضحه
وهم ما يدرون ان الاشخاص اللي يحبونهم يمكن يروحون فجأة
ياناس انا استنيت لين صار صديقي ذكرى
تبون تستنون مثلي؟؟!!...
فالنهايه
اطلب من كل واحد يقرى قصتي
يدعي لخالد بالرحمه
ويدعي لي ان الله يمسح الحزن اللي عايش فيني كل هالسنين
ونصيحه من قلب ذاق مراره الفراق
"الانسان اللي تحبه وتغليه رح اليوم وقله هالكلام خله يدري لا تستنى يمكن ما تلتقيه بعدين الا مثل مالاقيت خالد, وشي ثاني مهم لا تنتظر انك تفقد انسان غالي عشان تعرف قيمته وقدره عندك"
ختاما...
الى الفقيد الغالي ,
الانسان اللي علمني كيف احب الناس والحياه,
الانسان اللي نسى سعادته عشان يسعد غيره,
صاحب القلب الكبير المليان بحب الخير لكل الناس,
اللي تعلمت منه الكثير وافادني في حياتي ولازلت استفيد,
الانسان اللي كان غير الناس اللي قابلتهم في حياتي
واعرف انه زي ما كان اول صديق بيكون اخرصديق
لان ما في مثله في هالدنيا احد...
"صديقي الوحيد"
خالد العبدالعزيز
الله العالم بحالتي بعدك يالغالي ياليتك هنا عندي،
ما راح انساك يا رفيقي هو في احد يقدر ينسى مثلك؟!
ليتك قبل ما رحت علمتني وين القى انسان زيك!!
متأكد انك تدري اني دايم شاري ما ابيع
وتقبل اسفي البالغ على كل اللي صار مني
...الوداع...
قبل لا انهي القصه
اذا كنت تقرى قصتي وكان بينك وبين من تحبه مشكله وكنتوا بعاد عن بعض
ارسله قصتي وارفقها بأعتذار بسيط
دام عندك فرصه الحين..
**واخالداه**
واخــالداه وضج الجــرح في كبدي
فسرت بالـجرح.. لا انوي على احد
يبكون مــنك_وقد ناحوا_على ولــد
اما انا فبــكائي حرقة ((الرمــــت))
******
يطوف وجــهك في روحي فأســأله
"بالــله!قل لي اهذي فرقة الابــــد؟"
واخــــالده! يغص الشـــعر من الــم
كما تذوب عيون الشوق من ســـــهد
******
ويخطر الموت فوق البيد عاصــفة"
من الدموع...فنادوا الصبر ايا اهلي
غبت في الامس..عل الامس يسعفني
اذا افقت ولم ابـصرك صبح غـد
******
فلحت لي وجدار الــموت منتـــصب
حتى لأوشــك شوقا ان امــد يــدي!!
اين بســـمتك الحسناء؟هل ســــقطت
شمس النهار على ليل من الكمــــــد؟
******
واخــالداه!وعاد الناس..وانصـــرفوا
وانت في القبر..لم تبرح..ولم تـــــعد
تبـــارك اللـه ! نجري كلنا زمـــرا
نحو المنون ولا يبقى سوى الصـــمد
******
تــــــــمــــــت??
الله يرحمك يا خالد ويسكنك فسيح جناته ويجمعك بصديقك بندر في الجنة يا رب ويصبر بندر وخوانك
على فراقك ويخلفهم في مصيبتهم امين يا رب

منقول

موضوع رائع جدا صحيح الصداقه لا مثيل لها موضوع يستحق الرد عليه ويستحق القرائه كامل .

موضوع رائع ويستحق القراءة مشكور صمت فعلا الصداقة حلوة

الله عليك قريته كله بس بكاني وقهرني فعلا احلى شي الصداقة الحقيقية والمسامحة يسلموووو اخ صمت على التعبير الرائع للقصة والذكريات الجميلة التي لاتنسي الانسان حلاوة الشخص منور وبتمنى لك دوم النجاح والتفوق

مشكوره اخت ريما على قراءتك الموضوع
انا رأيت ردود الذين دخلو الموضوع ومن ردودهم عرفت انهم لم يقراءو الموضوع لان الموضوع محزن كثيرا.

انا قراءته كله والله القصه كتر محزنه والله الصداقه اغلى شي كنز لازم الواحد يحتفظ فيه مشكوووور اخ على القصه الرائعه التي تستاهل عليها كل الشكر والتقدير والله يرحمه ويرحمنا جميعا برحمته يا ارحم الراحمين