الرجل رحمة ولو كان فحمة ؟؟؟

السلام عليكم ورحمة اله وبركاته ..

اليوم رح ناقش معكم قضية اجتماعية مهمة وهي ((الزواج غاية ام وسيلة))..رح أبدأ بهالحوار الي حصل بحضوري....
كان النقاش عن مسألة الزواج ..ومدى حاجة كل طرف للآخر....

الدكتور / المرأة بدون زواج لا يمكنها ان تعيش ...وانها لا يمكن أن تقوم بدون الرجل ....وما شابه ..
.
انا ومجموعة من صديقاتي / لا لا دكتور المرأة اليوم لها دورها وهي نصف المجتمع ولا ينحصر دورها لتربية الاولاد والعناية بالبيت ..

مجموعة تانية وافقوا كلام الدكتور /.....ومن أطرف ما سمعتوا .انو بنت بتقول :((الرجال رحمة ولو كان فحمة )) ههههههه عن جد قهرتني البنت بهالجملة وبنفس الوقت ضحكت وحكيت روحي الهي يبعتلك
فحمة ....طبعا فحمة تحمل معنيين فحم الوجه (يعني يكون اسمراني) ...او انو سيئ المعاملة ...على كلا الحالتين الدكتور /كان سعيد جدا بهالمثل

انا تسألت/ انو لو البنت اتزوجت رجل سئ وما عاشت سعيدة ,,,هل هاذا بكون أفضل ما انها تتزوج ؟؟ للاسف بنلاقي أغلب الناس بتفكر الزواج أفضل مهما كان وضعه
الدكتور /لا لا هي تقصد الشكل ..ما بعرف حسيت انو براضينا هههه .....

انا / دكتور انتا دائما تحترم المرأة وتشيد بوجودها ..ما الذي تغير ؟؟!!

الدكتور/ لا لا ..أنا أقدر دورها وكل شئ .لكن ما بيغني عن قولي بانها تبقى بحاجة لزوج ..أكثر من الرجل.
.
انا / غريبة يعني ...الرجل ممكن يعيش بلا زوجة ؟؟!!

الدكتور/ انا أقصد من نواحي معيشية ....وفي ظروف خاصة.يعني فتاة بدون شهادة ولا وظيفة ولا زوج ..(الاهل !!)
نفرض انهم متوفيين ؟؟!! تعيش عند اهلها عالة ..وحيدة ...وأين تعيش ..كيف تعمل ؟؟اما الشاب يعمل بأي شي مكنيكي / عامل نظافة/ شوفير (تكسي)/ وما الى ذلك من مهن لا تسطيع البنت العمل فيها ...

أنا / أقنعتني كتير ....

.والجانب الأهم بالموضوع هل فعلا لا تستطيع المرأة أن تعيش دون الرجل ؟؟والزوج تحديدا ؟؟ نقول ربما ....وكذلك الرجل لا يستطيع أن

يعيش دون المرأة ....لكن أن تكون النظرة للفتاة دونية ..وانها مهما وصلت وحصلت فهي في النهاية مرأة ..طيب اوك هي مرأة ما رح اتصير رجل .....السؤال المهم

ايضا انو ليش الشب مهما بكون في عيوب بتزوج ....وفي كتير ناس بتلاقيه مجنون ولا عندو مشكلة او خلل بتزوج بدون أي مشكلة لكن البنت من أقل شي تنتقد

وتلام .....أرى ان ذلك ظلم للمرأة ....وأن لا اعمم كلامي .....لكن الأغلب هيك .....يعني لانوهو الرجال وهو الي بطلب ؟؟معناتو يتأمر .......وبنفس الوقت البنات

كمان لهم الحق والحرية في الاختيار .....لكن مهما بلغت البنت من مكانه يقول لها اهلها كويس وابن حلال ......ـــــــــــــــــــ

فمثلا : مهندسة لم تتجاوز 22 سنة يتقدم لها شاب بالتلاتين .يرفضها لأنها كبيرة ......وانا احكي قصة واقعية ....اما هو لما يوصل سن 30 مش

كبير .....اوووووف .....فتضطر انها تقبل بشخص قد لا تتوافق معه مستقبلا ....وكأن الزواج أصبح هدف وليس وسيلة .....انا صرت عن جد محتارة .

انو فعلا المراة ضعيفة ؟!!!!! طيب ليش؟!!!!! هي اليوم ممكن تشتغل ..وتتعلم ...وتبني مستقبلها ..صحيح انها تبقى حاجتها لزوج وأبناء لانو هاي فطرة في

الانسان .....للشاب والفتاة ...بعكس زمان كان البنت اذا ما اتزوجت تندفن بالتراب ....وهي أساسا كانت مدفونة .لانها بأختصار ما عندها شئ اتعيش كرماله .....لا

علم تنفع فيه الناس ولا أسرة تبنيها ؟؟!!!!.. خلقنا لعبادة الله والهدف التاني يكون اعمار الكون ...ومن ضمنها الزواج ..ليش نظرة الناس لزواج البنت ما اتغيرت ؟؟!!!

ليش الناس بعتبروا انو اذا البنت ما اتزوجت فهي عالة وهم على قلب أهلها ؟؟!! وفي بعض الناس بكرهوا خلفة البنات ...ويرددوا ((هم البنات للممات ))...انا حاسة انو في احتمال نرجع للجاهلية ويدفنوا البنات هههههه

نقاشي ## من مجمل الحوار ...هل تتفقون معي ؟؟اما تتفقون مع صديقتي فحمة ههههه أقصد

(( الرجل رحمة ولو كان فحمة))؟؟ أريد نقاش جاد .بعيد عن التحيز للجنس لنوصل لنتيجة فعلا..هل الزواج غاية ؟؟ام وسيلة ؟؟ من وجهة نظرك ونظره؟؟
غاية هي ((بناء مجتمع اسلامي صالح ))..ام وسيلة ((للتخلص من نظرة الفتاة ((عزباء))..او انه نوع من الكماليات...او وسيلة لمظهر اجتماعي امام الناس..))

هل فعلا احنا البنات هم ؟؟
وتحياتي لكم

نورت موضوعي عاشق يسلموووو كتير لردك الروعة

تقبلي مروري

نورت فارس يسلموووووو كتير

» دلع الرجل عند المرض
» المرأة جنة الرجل
» الرجل الحقيقي هوووووووووووووووووووووووووو؟
» الرجل اجمل من المرأة
» مميزات الرجل المهذب