ال نستحي ال ...

السلام عليكم ورحمة الله تعالى وبركاته...

بد ي احكي شيء صار معي بضحك
بس ما بعرف اذا راح يضحكم مثلي أو نو لانو انا عشت الموقف يعني ما راح يكون الو صدى عندكم ملي بضحك
المهم ما طول عليكم وربي فاطسة ضحكــــــ وأنا اتذكر الموقف ، صار معي بالجامعة مع رفئاتي بضحك

كنت انا وثلاث رفئاتي بالجامعة وتعرفو جو الجامعة كلو ضحك وجنان ومقالب وتعليقات ع الرايح والجاي
ومرة وانا امشي انا ورفئاتي من غير ما انتبه التوت رجلي وصار عندي الم فضيع الله لا يشوف حدا فيه بعيط
وما دريت ع حالي وغير انا ساقطة بالارض بعيط و، ألم قاتل والله يعني كسر برجلي شفت لرجلي لقيتها انتفخت
نفخ مو طبيعي، وانا صرت ابكي وصرخ ورفئاتي كمان ويعني بسرعة صار انتفاخ ، المهم راحت وحدة من رفئاتي
حكيت مع عمال الصحة بالجامعة ، واجت سيارة الاسعاف واتلمت الناس ولي على هيك موقف لا تعيط
المهم يلا ركبت سيارة الاسعاف انا ورفئاتي اكيد ، وبالطريق شوي ضحك شوي الم يعني شو يجي من بنات مجانين
المهم ما اتصلت باهلي ما كان بدي ازعجهم الت يمكن شيء بسيط يلا وصلنا ع المشفى ونزلوني وانا بتالم بعيط
من بعدها راحت سيارة الاسعاف وفت ع الدكتور كشف عليا من هون من هون ال مو كسر الحمد لله بس شبه كسر يعني

يلا عملي اشعة واللازم وال يلا فيكي تروحي بس لا تمشي عليه الت اوكي ووصفلي د واء وطلعنا انا ورفئاتي وانا بمشي
واعرج والنا لازم نستقيل سيارة اجرة احسن من النقل اريح واسرع لاوصل ع البيت اي ما علينا من تطلع من المشفى
تلاقي سيارات الاجرة واقفة يعني تروح بس تركب وتحكيه وين بدك تروح اي مو مشكلة يلا ورحنا على السيارة بضحك
يلا ركبت انا الاولى ع اساس مريضة بعيط
من بعد رفيئتي التانية والتالتة وما بحكيلكن اديش انا ورفئاتي طوال يعني اقصر وحدة طولها 1.72 الي هي انا بضحك
والباقي كلو اطول من 1.75 يعني بنات تلعب رياضة وهيك شيء يعني ماشاء الله عنهن الوحدة ئد الفيل يلا مو هون المشكلة
المشكلة برفيئتنا الرابعة الت بقعد معكم بحكيها لك حبيبتي ما يصير ما في مكان تحكي لا لزئو ببعض بس راح نلاقي مكان
لك يا بنت الحلال ما بيصير مو حلوة مشانا ومشان السيارة وصاحبها تحكي لا وستين لا بقعد معكن بستحي بقعد لحالي من قدام
يلا صرنا لزئ ببعض بضحك وما شاء الله الوحدة فينا ئد الزرافة خلص طلعنا وسكرنا الباب بضحك
والنا خلص عمو فيك تطلع وهو من اول شايفنا ساكت ولمن خلص نزل نت السيارة وصار يصرخ
اك انزلو لك انتو بنات جامعة انتو ومثقفات لك يعدمني اياكن انتو والدراسة الي تدرسوها
هلئ راح اكلكن لو اجت وحدة وقعدت قدامي ونحنا بس نتفرج فيه مصدومين بضحك
النالو خلص عمو هلئ بتئعد وحدة من قدام بيحكي ويصرخ ولك انزلو ما بدي شوفكن ئدامي
الله يلعن الساعة الي ركبتو فيها هريتولي السيارة بضحك وما بقلكم اديش كان يصرخ
ونزلنا وحدة ورا التانية بضحك ههههههههههههههههههههههههههههههههه
وهو لك انزلو والناس تتفرج ونزلنا وشو نزلو بضحك بعيط
ومشينا شيء 10 د ونحنا ساكتين ما حكينا ولا كلمة من الصدمة بضحك وشوي وانفجر انا من الضحك
بضحك
خلص قعدت ع الارض ما عاد فيني كمل من الضحك وكمان رفئاتي فرطو ضحك بحكيلهن فضحتونا
ال نستحي ال
بضحك
حكولي ليش ما ركبتي انتي من قدام الت اي لا انا بستحي بضحك
وهيك بقينا شيء نص ساعة نضحك
ما عجبتكن مو ؟؟؟؟؟؟؟؟؟؟؟؟
بس بجد لو كنتو بالموقف بجد فرطتو ضحك بضحك

يلا المهم حبيت بس احكيها لانو بجد موقف يضحك
يلا دمتـــــــــــــــــــــــــــتم