السلطة الغزاوية

السلام عليكم ورحمه الله وبركاته

السلطة الغزاوية

قبل كل أشي بدك زبدية

وللي ما بعرفوا شكل الزبدية هي صورتها ..

وكمان مطلوب مدقة خشب..
مدقة حديدة ما بتنفع
مدقة عضم ما بتنفع
مدقة بلاستيك ما بتنفع
..
.. هي صورة المدقة ..

ولما نجمعهم مع بعض الزبدية والمدقة

مكونات الدقة..

أول وأهم عنصر من مكونات الدقة هوة الفلفل..
احنا بنحبها عبارة عن فلفل بطعم السلطة
بنحطش أقل من 10 قرون فلفل ..
طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..

وأكيد من مكونات الدقة البندورة ..
بكفي 3 حبات على الـ 10 قرون الفلفل .. أو برضو على حسب الرغبة

بصلة صغيرة أو نص بصلة وسط أو ربع بصلة كبيرة

معلقة عين جرادة ..

معلقة ملح..

زيت زتون..

جبنة بيضا .. للتزيين .. وممكن نستغني عنها..

زتون حب .. حسب الرغبة..

طريقة التحضير

يقطع الفلفل في الزبدية قطعاً صغيرة بس مش كتير بالسكينة طبعاً..

وبعدين بنحط معلقة الملح ..

وبعدين معلقة عين جرادة..

وبنقطع البصلة إرباً إرباً ..

وبنمسك المدقة وبنبدا ندق ..

وبنستمر في الدق ..

.. دق دق ..

تعبتوا من الدق ..
لسة استمروا .. لحد ما يندق الفلفل والبصل كويس..

هلقيت بنقطع البندورة فوق الفلفل ..

وبنكمل مسيرة الدق ..

وكمان ندق ..

دق لحد ما تندق البندورة كويس مع الفلفل والبصل .. يعني البندورة بدها شوية هدوء في الدق وشوية تفغيص

وحسب الرغبة بنفرك الجبنة البيضا فوق الدقة..
مش واحد يجيبلي جبنة فيتا ولا جبنة البقرات التلاتة اللي في الكرتون.. ما بتنفع
بتجيب جبنة بيضا بلدية..

وبنحط زيت الزتون ...

منظر الزبدية في الآخر..

وبتتاكل بالخبز طبعاً مش بالمعلقة وولا بالشوكة والسكينة كمان
مع شوية زتون ..

طريقة الأكل
بتقسم الرغيف.. وبتبدا الهجوم..
تغرف .. تغرف .. لحد ما تخلص الزبدية .. وتصير تلحوس فيها .. أنظر الصور

وبالآخر بقلكم ..

انا لا حكيت شي ولا شوفت شي
ولا حد يشكي عليه انا صديق لكم
وربنا يسطر
هههههههههههههههههههههههههههههههههههه

تحياتي لكم

ممممممممممممممممممم
شكلها لذيذة بس بتعب من الدق
لازم تساويها ابن غزة ودوقنا
يسلمووووو طبق شهي مشكور

اممممممممممم والله شكلها زاكيه

وربي ولا احلى واروع من هيك
كل الشكر لالك يا الغالي
ولاتحرمنا من كل جديد لك
تقبل مروري يا الغالي

ولا يهمك ريما انا جاهز بعملها شو عليه بس تعالي انتي وعاشق والاصيله كمان
بتشرفوني والله
مشكوره ريما على مرورك الجمبل

هلا بيكي الاصيله نورتينا وربي
يسلموووووووووو على مرورك لي موضوعي يا زوء

هلا والله فيك يا عاشق وفي مرورك الطيب
وربي نورت الموضوع

زائر

ههههههههه طيب وين الخيار

الخيار ما كان كوجود لما عملتها المره الجايه هههههههههه

مشكور يا غالي

يسلمووووووووووووووو ابن غزة
بس لاتنسى تعزمني المرة الجاية
ههههههههههههه
تسلم ايدك

ولو انتي الكل في الكل تكرمي قطرة كان نفسي تكوني موجوده بس ريما ما خلت شي من السلطه
معلش المره الجايه تكرمي
مشكوره على مرورك نورتي
السلطة الغزاوية 323223

ههههههههههههههه مشكور اخي ابن غزة على الاكلة عت جد انها من الاخروان بحب الصلطة الي بتحرق كثير

» السلطة الغزاوية