المراة اشطر من ابليس......

كان يا ما كان في قديم الزمان ………كان فيه أمراة عجوز قاعدة لحالها
وفجأة طلعلها ابليس ……… العجوز خافت وسمت بالرحمن
قالها ابليس :أنتي يا عجوز هل تعتبرين نفسك داهيه؟؟؟؟
العجوز: نعم أنا داهيه ……….. والنساء عموما كيدهم عظيم
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلص أنا بعمل مشكله وأنت راح تحلها واذا ما قدرت أنا راح أحلهاوراح ربح الرهان
Ok أبليس
راحت العجوز لواحد من العواطليه اللي ما عندهم شغل وما اكثرهمقالت أنا بشغلك عندي فترة معينه بس……. اذا بدك مصاري لا تتدخل ولاتحكي.. وافق الشاب لأنه مل من البطاله و بدو مصاري
راحت العجوز ومعاها الشاب لمحل قماش وقالت له أنتظرني عند باب المحل …دخلت المحل واخذت قماش غالي وراحت تفاصل تاجر القماش
العجوز: راعيني الله يخليك …
التاجر :اذا ما معك مصاري خدي شي أرخص
العجوز : ما بقدر ….لازم اخدا ولا بتصرلي مصيبه
التاجر :ليش ؟؟ …..لهالدرجه …..شو القصة؟؟
العجوز:شفت الشاب اللي واقف عند باب المحل ...هذا ابني ...بحب وحده متزوجه وهي بتحبو وبس تتطلق من زوجها … رح يتزوجهاوقلي أن عارضتي الزواج رح أطردك من البيت وأمرني أني أشتري قماشغالي مشان يعطيها لحبيبتو ولا راح يطردني من البيت مع أن البيت بالأساسبيتي ولكني غلطت وكتبتو بأسمو...'لعجوز تبكي '
التاجر: خلاص ولا يهمك والله زعلتيني عليكي….خلاص أنا رح أعطيك القماش ببلاش….وبكسب فيك اجر
العجوز طلعت مبسوطه وقالت للشب يروح على بيتها
بعدها راحت العجوز لبيت زوجة تاجر القماش ودقت الباب وطلعت الزوجةالعجوز:آه يا بنتي أنا تعبت بالطريق و ما بقدر كمل ممكن أقعد عندك أرتاحخمس دقايق ..
رحبت الزوجة ودخلتها وأكرمتها وجابتلها قهوةالعجوز:شكرا ان شاءالله بكافئك (تعمدت تنسى القماش ) وطلعت.
الزوجة:حرام نسيت قطعة القماش …أكيد رح ترجع بعد شوي وتاخذهاو حطتها بالخزانة..
تاجر القماش رجع على بيتو وتغدى غدا غير شكل ونام قام العصر وفتح الخزانة مشان يغير تيابو ……مفاجأة قطعة القماشوعرف أن المرأة اللي بدو ياها ابن العجوز هي زوجته
اجا لعندها وضربها وطردها بالشارع بالأواعي اللي عليها.
العجوز كانت في هاللحظه في أخر الشارع فراحت لعندها تركضالعجوز: شبك يا بنتي ليش عم تبكي؟؟؟
الزوجه : زوجي طردني …وما عطاني فرصه أحكي .
العجوز: خلص أناباخدك على بيتي وأنا بروح بحل المشكلهراحت العجوز على بيتها ودخلت الزوجه على غرفة بينما الشاب كان فيغرفه ثانيه وأمرته أنه ما يطلع منها
راحت العجوز عالشرطه وهي عم تبكي وتقول :كنت قاعدة بيبيتي وفجأة دخل
رجل ومعه مرأة وقعدوا ببيتي حاولت طالعهم ما قدرت )أحتلوا بيتي(
راحت الشرطه وقبضت على الشاب والزوجه ….وحطوهم بالسجن.
العجوز: ها ها شو رايك يا أبليس ؟؟ دورك هلأ.... حل المشكله
أبليس : لا لا مابقدر حلها القصة صعبت كتير
العجوز: أنا راح حلها وكأن شيء لم يكن . وراح أربح الرهانراحت العجوز تزور الزوجه بالسجن وقالت لها :أنتي ساعدتيني مرةوأناهلأ رح ساعدك …..يلا ألبسي عبايتي وغطي حالك وأطلعي من السجن كأنك أنا وأنا بقعد مكانك.
الزوجة:شكرا….بس أنتي ؟؟؟
العجوز: ما دخلك مثل ما طلعتك بطلع حالي.
تمت عملية الهروب بنجاح….
الوالي أمر الحراس ان يحضروا المسجونين مشان يحكم عليهم
حضرت العجوز والشاب وقال لهم الوالي :ليش قابضين عليكم شو عاملين؟؟
ردت العجوز: ما عملنا شيء كنا قاعدين ببيتنا أنا وابني ولا الشرطهكبست علينا واخدونا عالسجن .
عصب الوالي وبهدل الشرطه وما عطاهم فرصه يحكوا ويقول:غلطانينوبدكم تحكو.والله انكم وقحين
طلعت العجوز من عند الوالي فرحانه واعطت الشاب اجرتو وأنهت خدمتو عندها.
راحت العجوز لتاجر القماش وقالتلو أنها تعبت بالطريق وأنو زوجتو أصيله وأكرمتها وهي من
من كثر التعب نسيت القماش عندها وأنو زوجتو بريئه
وقالتلو خود قماشتك لأنو ابني سافر هو و زوجتو الجديدة.
رجع التاجر زوجته وتأسف منها و راضاها كمان.
العجوز : شو رايك يا أبليس أنا حليتها القصة سهله
ابليس :اشهد ان لا اله الا الله

منقول