شيش برك على الطريقة السورية

الشيشبرك على الطريقة السورية بالصور
السلام عليكم ورحمة الله وبركاته

الشيشبرك اكلة ممكن كتير تضيف لها او تنقص بحسب ذوق الشخص وما يحب

مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت
نخلط الطحين والملح والزيت و بعدين نضيف الماء شوي شوي ونعجن هتبقى العجينة طرية وما بتلزق باليد
ونتركها شي نصف ساعة ترتاح او ساعة مع تغطيتها بمنشفة مبلولة

مقادير الحشو :
نصف كيلو لحمة مفرومه
كميه بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار

نقلي البصلة لحد ما تدبل مش تنحرق او يتغير اللون

نضيف اللحمة والملح والبهار ونقليها كويس اوى

اخر شي نضيف البقدونس

ونترك اللحمة لتبرد ونحاول نشفها من الزيت لانه ما بيخلي العجينة تقفل اذا كان كتير

الطريقة بالصور :

نرق العجينة منيح بالشوبك او بألة العجين

نقطع العجينة بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
شيش برك على الطريقة السورية Sg438kkq5

بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونقفلها على بعض بشكل هلال

شيش برك على الطريقة السورية X0sur0z7i

بعدين ناخد طرفين الهلال ونلزقهم ببعض متل الصورة

شيش برك على الطريقة السورية Aps8thd2y

اذا بتحبوا تشيلوها فى الفريز دخلواها متل ما هى ولما يجمد العجين حطوها بكيس نايلون حتى ما ياخد حجم

شيش برك على الطريقة السورية 1nddcqmuv

طبخ اللبن :

3علب لبن زبادي العلبة 400غرام مش السائل لالاالجامد

اعلبة من اللزبادى بس فيها ماء فقط

3 ملاعق كورن فلاور كبار بس ممسوحين

ملعقة صغيرة ملح وبعدين ممكن نزيد الملح حسب الذوق

نضربهم بالخلاط اونخلطهم كويس اوى ونضعهن على نار متوسطة مش عالية حتى ما يلزق اللبن و نحرك ونحرك ونحرك ليغلي اللبن

نسقط الشيشبرك بهدوء ونتركه على نار هادية حوالى عشر دقايق لانه العجينة رقيقة وصغيرة

ممكن اللبن مع الكزبرة والثوم في ناس بتحبه سادة او مع انعناع

نعمل الكزبره ونحط ملعقة كبيرة سمنة ونضع كزبرة مفرومة ناعم وفصين ثوم مدقوقين

نحمرهم كويس فوق اللبن قبل ما نطفي بدقيقتين والف صحة وعافية
شيش برك على الطريقة السورية Vl5krx0uy